АУ "Централизованная клубная система" Шемуршинского районаОФИЦИАЛЬНЫЙ САЙТ

                                                                                                                                                                                                     

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Пĕтмен-ха ялта пултаруллă çынсем!

26 марта 2014 г.

РАЙОНТА илемлĕ пултарулăх коллективĕсен Культура çулталăкне халалланă фестивалĕ малалла пырать. Иртнĕ эрнере Васанти культурăпа кану центрне те халăх лăк тулли пуçтарăннăччĕ. Концерт ачасен ансамблĕ шăрантарнă "Раççей çăлтăрĕ" юрăпа пуçланчĕ. Солистки - Юлия Полякова. Васан ял тăрăхĕн хорĕ юрланă "Раççейрен лайăххи урăх ним те çук" юрă та чун-чĕрене хумхантарчĕ. Çакна палăртмалла: илемлĕ пултарулăх коллективĕн репертуарне фестиваль тематикине тата тĕллевне шута илсе йĕркеленĕ. Ача-пăча ăсталăхне аталантарма тăрăшнине те ырламалла кăна. Васан шкулĕнче вĕренекенсем куракансене юрă-ташăпа чăн-чăн савăнăç парнелерĕç. Хĕрсен ансамблĕ "Аххаяс" чăваш ташшине илемлĕ ташларĕ. В.Исметова "Вырăс çĕрĕн телейĕ" юрăпа кăмăла çĕклерĕ. Паллах, Тихоновсемпе Ларшниковсем хутшăнмасăр мĕнле концерт иртĕ-ха? Хальхинче те Тихоновсен çемье ансамблĕ (унта Иванпа Петр çемйисем кĕреççĕ) темиçе номерпе савăнтарчĕ. Н.Ларшникова юрланă "Тур лаши туртать" юрă та, чи çамрăк артистка А.Ларшникова шăрантарнă ача-пăча юррисем те, "Виçял" фольклор ушкăнĕн юрри-такмакĕ те куракансене килĕшрĕç. Концерт программине Г.Полякова маттур ертсе пычĕ. Çавăн пекех Н.Андреев аккомпаниатор та хăйĕн пултарулăхĕпе ялта талантсем пĕтменнине яр-уççăн çирĕплетсе пачĕ. Ял тăрăхĕн пуçлăхĕ Ю.Ильин хăй те концертри темиçе номере хутшăнчĕ. Фойере ал ăсти япалисен выставкине йĕркеленĕччĕ. Ял çыннисем З.Егорован, З.Васильеван, А.Ухваркинан, Л.Козлован, С.Семенован, Л.Исметован, А.Егорован, Е.Исметован, А.Полякован, А.Мердееван, А.Ефимован, К.Егорован, О.Сергееван, Г.Ларионован, Р.Сергееван, К.Антипован ăсталăхне пысăк хак пачĕç. Источник: "Шăмăршă хыпарĕ"

Мой МирFacebookВКонтактеTwitterLiveJournalОдноклассники
429170 с.Шемурша, ул.Советская, д.3 тел. (83546)2-33-11, 2-33-14
e-mail: shemrdk@cap.ru    kult@shemur.cap.ru .   ser-kudrik76@yandex.ru

Система управления контентом
TopList Сводная статистика портала Яндекс.Метрика