Обычная версия сайта   Размер шрифта:   Цветовая схема:   Изображения:
Автономное учреждение "Централизованная клубная система" Шемуршинского района Чувашской Республики
Автономное учреждение «Централизованная клубная система» Шемуршинского района Чувашской Республики.

Публикации » Çĕнĕ çул та çывхарать

24.11.2014

Юн кун районти Культура аталанăвĕн центрĕнче культура ĕçченĕсен канашлăвĕ иртнĕ. Ун ĕçне, культработниксемсĕр пуçне, район администрацийĕн пуçлăхĕн çумĕ - социаллă аталану пайĕн пуçлăхĕ В.Петьков хутшăннă. Канашлура районти методика центрĕн пуçлăхĕ А.Петрова культура ĕçченĕсен кăçалхи виççĕмĕш кварталти ĕçĕ-хĕлĕпе тата тăваттăмĕш кварталта пурнăçламалли ĕçсемпе паллаштарнă. Культура ĕçченĕсем умĕнче тăракан пысăк яваплă ĕç - Çĕнĕ çул уявĕсене çỹллĕ шайра тата пысăк йĕркелĕхпе ирттересси. Районта "Çĕнĕ çул уявĕ тĕлне - чи лайăх илемлетỹ" ятпа конкурс ирттерме йышăннă, унта кашни учрежденипе организаци хутшăнтăр тесе тăрăшмалла. Виççĕмĕш кварталта çавăн пекех ача-пăча илемлĕ пултарулăх коллективĕсем валли "Задорный каблучок" конкурс та йĕркелеме палăртнă. Вăл Культура аталанăвĕн центрĕн сцени çинче декабрĕн 19-мĕшĕнче иртмелле. Район администрацийĕн пуçлăхĕн çумĕ В.Петьков хăйĕн сăмахĕнче культура учрежденийĕсенче халăха тỹлевлĕ çăмăллăхсем парассине тĕпрен лайăхлатма чĕнсе каланă. Ку енĕпе ырă тĕслĕхсем пур пулин те, çитменлĕхсем те чылай-ха. Культура ĕçченĕсен интереслĕ мероприятисем ытларах ирттерсе çынсене илĕртме пĕлмелле. Чунтан тăрăшмасан, укçа-тенкĕ ĕçлесе тăваймăн. Пурнăç çапла ыйтать. Канашлура районта Культура çулталăкне вĕçлемелли концерт программин планне тишкерсе тухнă, унта районти авторсен произведенийĕсене ытларах вырăн памаллине палăртнă.

Источник: "Шăмăршă хыпарĕ"

Автономное учреждение "Централизованная клубная система" Шемуршинского района Чувашской Республики
429170 ЧР, с. Шемурша, ул. Советская, д.3
Телефон: 8(83546) 2-33-11